“ඇටකෝටු යාළුවා“ ළමා පින්තූර කතා පොත එළිදැක්වීම- 2015/12/30

 බෙන්තොට ප්‍රාදේශීය ලේකම් කාර්යාලයේ සංවර්ධන නිලධාරී මනෝවිද්‍යා උපදේශක වෙනුර සනත් කුමාර මහතා විසින් සිතුවම් කර රචනා කල 2015 අන්තර් රාජ්‍ය සේවක නිර්මාණ තරඟාවලියේ ජයග්‍රාහී ළමා කතාව වූ “ඇටකෝටු යාළුවා“ ළමා පින්තූර කතා පොත දොරට වැඩුම 2015/12/30 දින හවස 2.00 ට බෙන්තොට ප්‍රාදේශීය ලේකම් කාර්යාලයේදී උත්සවසිරියෙන් සිදුවිය.

ළමා සමාජ චිත්‍ර ප්‍රදර්ශනය - 2015/12/29 ගල්තුඩුව සමාජ සත්කාර ඒකකය

විස්තර  - ළමා හිමිකම් නිලධාරිණී සුජීවා ප්‍රියදර්ශනී , ගල්තුඩුව ආර්ථික සංවර්ධන නිලධාරිණී ඉන්දු කුමාරි
ඡායාරූප - බි.ඩී. චන්දන ප්‍රභාත්

බෙන්තර කොට්ඨාශයේ ළමා සමාජ වල දරුවන්ගේ කලා කුසලතා එලිදැක්වීමක් ලෙස පැවැත්වූ චිත්‍ර ප්‍රදර්ශනය 2015 /12/29 දින උදෑසන 9.00 සිට සවස 2.00 දක්වා ගල්තුඩුව සමාජ සත්කාර ඒකකයේදී පැවැත්වුනි.කොට්ඨාශයේ ග්‍රාම නිලධාරී වසම් මට්ටමින් පිහිටවූ ළමා සමාජවල දරුවන්ගේ ජයග්‍රාහී චිත්‍ර මෙහිදී මහජන ප්‍රදර්ශනයට ලක්විය.දරුවන්ගේ කලා කුසලතා ඔපනැංවීම හා ඔවුන් දිරිමත් කිරීමේ අරමුණින් මෙම චිත්‍ර ප්‍රදර්ශනය පැවැත්වූ බව ළමා හිමිකම් නිලධාරිණී සුජීවා ප්‍රියදර්ශනී මහත්මිය පැවසුවාය.
  මෙම චිත්‍ර ප්‍රදර්ශනයේ ඡායාරූප කිහිපයක් පහතින්...

හිපන්වත්ත පාළමේ වැඩ අවසන් අදියරේ....

විස්තර හා ඡායාරූප - ධනුෂ්ක සම්පත්(හිපන්වත්ත ආර්ථික සංවර්ධන නිලධාරි)

  දිගු කාලයක් තිස්සේ අබලන්ව කඩා වැටීමට ආසන්න තත්ත්වයේ තිබූ හිපන්වත්ත පාලම පිළිසකර කිරීම පසුගියදා ආරම්භ වූ අතර මේ වන විට පාලමේ වැඩ අවසන් අදියරේ ඇති අතර නොබෝ දිනකින් ජනතා අයිතියට පත්වනු ඇත.
  ග්‍රාම සේවා වසම් සංවර්ධන වැඩසටහනට අනුගාමීව සිදුවූ විශේෂ සංවර්ධන වැඩසටහනක් යටතේ සිදුවූ මෙම පාළම පිළිසකර කිරීම වසමේ ප්‍රධාන සංවර්ධන අවශ්‍යතාවක් සම්පූර්ණ වීමක් බව ගම්වැසියන් සතුටින් ප්‍රකාශ කර සිටිති.

තුන්දුව නැගෙනහිර වසමේ ලක්ෂ 10 සංවර්ධන වැඩසටහන(2015) සාර්ථකව අවසන්වේ...

බෙන්තොට ප්‍රාදේශීය ලේකම් කොට්ඨාශයේ අංක 12 බී තුන්දුව නැගෙනහිර වසමේ ලක්ෂ 10 සංවර්ධන වැඩසටහන(2015) පසුගියදා සාර්ථකව අවසන් විය.මේ යටතේ තුන්දුව අළුත්වත්ත පාර හා සායන පාර යන මාර්ග දෙක කොන්ක්‍රීට් කිරීම සිදුවිය.

කුඩා ඌරගහ වසමේ ලක්ෂ 10 සංවර්ධන වැඩසටහන(2015) සාර්ථකව අවසන්වේ..

 විස්තර හා ඡායාරූප - සමන්ති විජයකුමාරි (කුඩා උෟරගහ අාර්ථික සංවර්ධන නිලධාරිණී)

බෙන්තොට ප්‍රාදේශීය ලේකම් කොට්ඨාශයේ කුඩා ඌරගහ වසමේ ලක්ෂ 10 සංවර්ධන වැඩසටහන(2015) පසුගියදා සාර්ථකව අවසන් වූ අතර අදියර දෙකකින් මෙම සංවර්ධන වැඩසටහන සිදුවිය

සූරියගම වසමේ ලක්ෂ 10 සංවර්ධන වැඩසටහන (2015) සාර්ථකව අවසන් වේ

විස්තර හා ඡායාරූප - චන්ද්‍රිකා නිලන්ති (සූරියගම ආර්ථික සංවර්ධන නිලධාරිණී)

බෙන්තොට ප්‍රාදේශීය ලේකම් කොට්ඨාශයේ අංක 12 ඩී සූරියගම වසමේ ලක්ෂ 10 සංවර්ධන වැඩසටහන පසුගියදා සාර්ථකව අවසන් විය.තුඩුව ගංවත්ත පාර තාර දැමීම මේ යටතේ සිදු විය

හිපන්වත්ත ප්‍රජා ශාලාව විවෘත කෙරේ....

 විස්තර - හිපන්වත්ත ආර්ථික සංවර්ධන නිලධාරී ධනුෂ්ක සම්පත් සමඟ සංවර්ධන නිලධාරී සංජීව ප්‍රියදර්ශන
 ඡායාරූප හා වීඩියෝ - බී.ඩී. චන්දන ප්‍රභාත්

 බෙන්තොට ප්‍රාදේශීය ලේකම් කොට්ඨාශයේ හිපන්වත්ත වසමේ 2015 ලක්ෂ 10 සංවර්ධන වැඩසටහනේ එක් අදියරක් වූ ප්‍රජා ශාලාවේ බිම් මහලේ වැඩ නොබෝදා අවසන් වූ අතර අද දින (2015 දෙසැම්බර් 21 සදුදා ) හවස 3 ට යෙදි තිබූ සුභ මොහොතින් ජනමාධ්‍ය හා තොරතුරු ඇමති ගාලු දිස්ත්‍රික් පාර්ලිමේන්තු මන්ත්‍රී ගයන්ත කරුණාතිලක මැතිතුමා අතින් ජනතා අයිතියට පත්විය. මහා සංඝරත්නයේ ආශීර්වාද සෙත් මැද ආරම්භ වූ මෙම විශේෂ අවස්ථාවට බෙන්තොට ප්‍රාදේශීය ලේකම් වසන්ත විතානගේ මැත්තුමා,බෙන්තොට ප්‍රාදේශීය සභාවේ හිටපු සභාපති ගයාන් සිරිමාන්න මැතිතුමාද සහභාගී විය.

    වසමේ ආර්ථික සංවර්ධන නිලධාරී ධනුෂ්ක සම්පත් ග්‍රාම නිලධාරී ටී. රුවන් සම්පත් ,කෘ.ප.නි.ස නිලධාරී අබේරත්න සංවර්ධන නිලධාරී සංජීව ප්‍රියදර්ශන සමෘද්ධි නිලධාරී ඇතුළු වසමේ සියළුම කෙෂත්‍ර නිලධාරීන්  මෙන්ම ගම්වැසියන් එක්ව මෙම උත්සවය සංවිධානය කර තිබූ අතර මෙම ප්‍රජා ශාලාව වැඩ අවසන් කිරීම වසමේ කාලයක් පැවති ප්‍රධාන ගැටළුවකට විසදුමක් විය.

  මෙහි විශේෂ අවස්ථා ඡායාරූප හා වීඩියෝවක් පහතින්..

Tour of Bentota

අපචාර වලින් සිසු දරුවන් ආරක්ෂා කරගැනීමට දෙමාපියන් දැනුවත් කිරීමේ වැඩසටහනක් දෙද්දුව මහ විදුහලේදී..2015/10/29

විස්තර හා ඡායාරූප - තරංගා ශ්‍යාමලී ද සිල්වා (දෙද්දුව ආර්ථික සංවර්ධන නිලධාරිණී)

අපචාර හා වෙනත් සමාජ විරෝධී කටයුතු වලින් දරුවන් ආරක්ෂා කර ගැනිමත් දරුවන් එවැන් අපචාර වලට යොමු වීම වලක්වා ගැනීමත් පිළිබඳව දෙමාපියන් දැනුවත් කිරීමේ වැඩසටහනක් 2015 /10/ 29 දින දෙද්දුව මහ විදුහලේදි පැවැත්වුනි.එහි විශේෂ අවස්ථා කීපයක් පහතින් දැක්වේ..

කහගල්ල වසමේ ලක්ෂ 10 සංවර්ධන වැඩසටහන (2015) සාර්ථකව අවසන්වේ...

විස්තර හා ඡායාරූප - තරංගා ශ්‍යාමලී ද සිල්වා(කහගල්ල වැඩබලන ආර්ථික සංවර්ධන නිලධාරීණී)

  බෙන්තොට ප්‍රාදේශීය ලේකම් කොට්ඨාශයේ අංක 5 ඒ කහගල්ල වසමේ ලක්ෂ 10 සංවර්ධන වැඩසටහන (2015) පසුගියදා සාර්ථකව අවසන් විය.කහගල්ල යටපාර තාර දැමීම මේ යටතේ සිදුවිය.

දෙල්කබලගොඩ වසමේ ගම්වැසියන් දැනුවත් කිරීමේ වැඩසටහන...

  විස්තර හා ඡායාරූප - එච්.පී. දීප්ති (දෙල්කබලගොඩ ආර්ථික සංවර්ධන නිලධාරිණී)

 අපරාධ හා අපචාර වලින් කුඩා දරුවන් ආරක්ෂා කරගැනීමත් අපරාධ වලක්වා ගැනිමත් පිළිබඳව ගම්වැසියන් දැනුවත් කිරීමේ වැඩසටහනක් පසුගියදා දෙල්කබලගොඩ වසමේදී පැවැත්වුනි.
                                    බෙන්තොට ප්‍රාදේශීය ලේකම් කාර්යාලයේ ළමා හිමිකම් නිලධාරිණී සුජීවා ප්‍රියදර්ශනී මහත්මිය,ඌරගස්මන්හන්දිය පොලිසියේ අපරාධ පරීක්ෂණ අංශයේ නිලධාරීන් ඇතුළු නිලධාරීන් කිහිප දෙනෙකු විසින් ගම්වැසියන් දැනුවත් කල අතර මෙහි විශේෂ අවස්ථා කිහිපයක් පහතින් දැක්වේ.....

ඉදුරුව ධීවරයන්ට ජීවිතාරක්ෂණ උපකරණ බෙදා දිමක්....

එක්දින හා බහුදින ධීවර යාත්‍රාවල සේවය කරන ඉදුරුව ධිවර ප්‍රජාවට ජීවිතාරක්ෂක උපකරණ බෙදා දීමක් 2015/ 12/ 14 දින බෙන්තොට ප්‍රාදේශීය ලේකම් කාර්යාලයේදී පැවැත්වුනි.දකුණු පළාත් සභා මන්ත්‍රී චන්න සාලිය මෙන්ඩිස් මහතාගේ ප්‍රතිපාදන මගින් මෙම ධිවර උපකරණ බෙදා දුන් අතර එහි විශේෂ අවස්ථා සේයා රූප කිහිපයක් පහත දැක්වේ..

මහ ඌරගහ වසමේ ලක්ෂ 10 සංවර්ධන වැඩසටහන(2015) සාර්ථකව අවසන්වේ....

විස්තර - මහඌරගහ ආර්ථික සං. නිලධාරීණී එල්.ජී.සුදීපිකා නිල්මිණී
ඡායාරූප - තාක්ෂණ නිලධාරී සංජය ජයසිංහ

බෙන්තොට ප්‍රා.ලේ. කොට්ඨාශයේ මහ ඌරගහ වසමේ ලක්ෂ 10 සංවර්ධන වැඩසටහන(2015) පසුගියදා අවසන් වු අතර මඩකුඹුර පහලකඩේ මාර්ගය කොන්ක්‍රීට් කිරීම මේ යටතේ සිදුවිය.

දොඹගහවත්ත වසමේ ලක්ෂ 10 සංවර්ධන වැඩසටහන(2015) සාර්ථකව අවසන්වේ...

ඡායාරූප - තාක්ෂණ නිලධාරී සංජය ජයසිංහ

බෙන්තොට ප්‍රා.ලේ.කොට්ඨාශයේ දොඹගහවත්ත වසමේ ලක්ෂ 10 සංවර්ධන වැඩසටහන -( 2015) පසුගියදා සාර්ථකව අවසන් වූ අතර වසමේ මාර්ග 2ක් (කපුහේන මිණුවන්දෙණිය මාර්ගය හා පොඩිහේන මිණුවන්දෙණිය මාර්ගය) කොන්ක්‍රීට් කිරීම මේ යටතේ සිදුවිය.

මහවිල බටහිර වසමේ ලක්ෂ 10 සංවර්ධන වැඩසටහන(2015) සාර්ථකව අවසන්වේ...

ඡායාරුප හා විස්තර - මහවිල බටහිර ආර්ථික සංවර්ධන නිලධාරී රංගන සිල්වා සමඟ තාක්ෂණ නිලධාරී සංජය ජයසිංහ

 බෙන්තොට ප්‍රාදේශීය ලේකම් කොට්ඨාශයේ මහවිල බටහිර වසමේ ලක්ෂ 10 සංවර්ධන වැඩසටහන(2015) පසුගියදා අවසන් විය.මේ යටතේ මාර්ග දෙකක්(මහවිල ප්‍රධාන පාසැල අසල මාර්ගයත් පෙර පාසැල අසල මාර්ගයත්) කොන්ක්‍රීට් දැමීම සිදු කෙරුනි.

මහවිල නැගෙනහිර වසමේ ලක්ෂ 10 සංවර්ධන වැඩසටහන අවසන්වේ...

ඡායාරූප - තාක්ෂණ නිලධාරී සංජය ජයසිංහ 

බෙන්තොට ප්‍රාදේශීය ලේකම් කොට්ඨාශයේ මහවිල නැගෙනහිර වසමේ ලක්ෂ 10 සංවර්ධන වැඩසටහන -(2015) පසුගියදා සාර්ථකව වැඩඅවසන් විය.මේ යටතේ ගඟසිරි උයන පාර හා නාහිටිය පල්ලවත්ත පාර යන මාර්ග දෙක කොන්ක්‍රීට් දැමීම සිදුකෙරුනි.

බෝධිමළුව වසමේ ලක්ෂ 10 සංවර්ධන වැඩසටහන - 2015 සාර්ථකව අවසන්වේ.

ඡායාරූප - තාක්ෂණ නිලධාරී සංජය ජයසිංහ

බෙන්තොට ප්‍රා.ලේ.කොට්ඨාශයේ බෝධිමළුව වසමේ ලක්ෂ 10 සංවර්ධන වැඩසටහන -( 2015) පසුගියදා සාර්ථකව අවසන් වූ අතර කිතුල්ගොඩ වත්ත මාර්ගය තාර දැමීම මේ යටතේ සිදුවිය.

හිපන්වත්ත වසමේ ලක්ෂ 10 සංවර්ධන වැඩසටහන-(2015) සාර්ථකව අවසන්වේ...

විස්තර හා ඡායාරූප - හිපන්වත්ත ආර්ථික සංවර්ධන නිලධාරී ධනුෂ්ක සම්පත් සමඟ තාක්ෂණ නිලධාරී සංජය ජයසිංහ

බෙන්තොට ප්‍රා.ලේ. කොට්ඨාශයේ හිපන්වත්ත වසමේ ලක්ෂ 10 සංවර්ධන වැඩසටහන-(2015)  පසුගියදා සාර්ථකව අවසන් වූ අතර හිපන්වත්ත ප්‍රජා ශාලාවේ බිම් මහලේ වැඩකටයුතු අවසන් කිරීමත් දියපරදුව අතුරු මාර්ගයක් කොන්ක්‍රීට් කිරීමත් මේ යටතේ සිදුවිය.

ආර්ථික සංවර්ධන නිලධාරීන් සඳහා පැවැත්වූ “සමථකරණ“ පුහුණු වැඩසටහන 2015/11/19

 බෙන්තොට ප්‍රාදේශීය ලේකම් කාර්යාලයේ සමථකරණ වැඩසටහන් නිලධාරිණී ඩී.එන්.සඳරේණූ මහත්මිය  සහ අම්බලන්ගොඩ ප්‍රා.ලේ කාර්යාලයේ සමථකරණ වැඩසටහන් නිලධාරිණී සුරංජි රණසිංහ මහත්මියගේ සහභාගිත්වයෙන් වසම් වලට අනුයුක්තව කේෂත්‍ර රාජකාරියේ නියුතු ආර්ථික සංවර්ධන නිලධාරීන් වෙනුවෙන් පවත්වන ලද “සමථකරන“ පුහුණු වැඩසටහන  2015/11/19 දින බෙන්තොට ප්‍රාදේශීය ලේකම් කාර්යාල ශ්‍රවනාගාරයේදී පැවැත්වුනි.

“ඇරඹුමට පෙළඹුමක්“ මනෝ විද්‍යා උපදේශන වැඩසටහන - 2015/12/07

 බෙන්තොට ප්‍රාදේශීය ලේකම් කාර්යාලයේ සංවර්ධන නිලධාරී(උපදේශන) වෙනුර සනත් කුමාර මහතාගේ ආරාධනයෙන් මනෝ වෛද්‍ය (නාගොඩ රෝහළ) රජිත ස්වාරිස් මහතා විසින් පවත්වන ලද දේශනය 2015 /12 07 දින බෙන්තොට ප්‍රාදේශීය ලේකම් කාර්යාල ශ්‍රවනාගාරයේදී පැවැත්වුනි.
        කෙෂත්‍ර රාජකාරියේ නිරත සංවර්ධන නිලධාරීන් වෙනුවෙන් පවත්වන ලද මෙම දේශනයේදී දරුවන් යෞවනයන් හා වැඩිහිටියන් සමඟ ප්‍රජා කටයුතු කිරීමේදී ඔවුනොවුන් අතර ඇති විවිධාකාරවූ මානසික තත්ත්වයන් අවබෝධ කරගනිමින් වඩාත් සාර්ථකව හා ඵලදායි අයුරින් කෙෂත්‍ර කටයුතු කරන ආකාරය පිළිබඳව දැනුවත් කෙරුණු අතර ආර්ථික සංවර්ධන නිලධාරීන් ඇතුළු සියළුම සංවර්ධන නිලධාරීන්ට මෙය  කාලෝචිත වටිනා අවස්ථාවක් විය

දෙල්කබලගොඩ වසමේ ලක්ෂ 10 සංවර්ධන වැඩසටහන සාර්ථකව නිමවේ....

විස්තර හා ඡායාරූප - එච්.පී. දීප්ති (දෙල්කබලගොඩ ආර්ථික සංවර්ධන නිලධාරිණී)

බෙන්තොට ප්‍රා.ලේ. කොට්ඨාශයේ දෙල්කබලගොඩ වසමේ ලක්ෂ 10 (2015) සංවර්ධන කටයුත්ත පසුගියදා සාර්ථකව අවසන් විය මෙම සංවර්ධන වැඩසටහන අදියර 2කින් සිදුවු අතර වසමේ අබලන් ප්‍රජා ශාලාව ප්‍රතිසංස්කරණයත් පරුස්සගොඩ පළමු පටුමඟ කොන්ක්‍රීට් කිරීමත් සිදුවිය

ඇටවලවත්ත- බටහිර වසමේ ලක්ෂ 10 සංවර්ධන වැඩසටහන නිමවේ...

විස්තර හා ඡායාරූප - වරුණී රුමේදා රුවන්පතිරණ (ඇටවලවත්ත බටහිර ආර්ථික සංවර්ධන නිලධාරිණී)

   බෙන්තොට ප්‍රා.ලේ.කොට්ඨාශයේ ඇටවලවත්ත -බටහිර ග්‍රාම සේවා වසමේ ලක්ෂ 10 සංවර්ධන වැඩසටහන හටතේ මාර්ග දෙකක් කොන්ක්‍රීට් දමා පිළිසකර කිරීම පසුගියදා අවසන් විය.

අතුරුවැල්ල වසමේ ලක්ෂ 10 -(2015) සංවර්ධන වැඩසටහන සාර්ථකව අවසන්වේ....

විස්තර ඡායාරූප හා වීඩියෝ - බී.ඩී.චන්දන ප්‍රභාත්(අතුරුවැල්ල ආර්ථික සංවර්ධන නිලධාරී)
   බෙන්තොට ප්‍රා.ලේ. කොට්ඨාශයේ අතුරුවැල්ල වසමේ ලක්ෂ 10 -(2015) සංවර්ධන වැඩසටහන යටතේ බුද්ධගොඩ වත්ත මාර්ග දෙකක් කොන්ක්‍රීට් දමා පිළිසකර කිරීම අද(2015/12/06) දින අවසන් විය.

මුල්ලෙගොඩ වසමේ ලක්ෂ 10 - (2015) සංවර්ධන වැඩසටහනේ එක් අදියරක් වූ කොන්ක්‍රීට් මාර්ගයේ වැඩ අවසන්වේ....

ඡායාරූප හා විස්තර - අසංක දිල්ශාන් (මුල්ලෙගොඩ ආර්ථික සංවර්ධන නිලධාරී)

බෙන්තොට ප්‍රාදේශීය ලේකම් කොට්ඨාශයේ මුල්ලෙගොඩ ග්‍රාම නිලධාරී වසමේ ලක්ෂ 10 - (2015)  සංවර්ධන වැඩසටහනේ එක් අදියරක් වූ කොන්ක්‍රීට් මාර්ගයේ වැඩ පසුගියදා අවසන් විය

මුල්ලෙගොඩ වසමේ කෘෂි උපදේශන වැඩසටහන.....

විස්තර හා ඡායාරූප - අසංක දිල්ශාන් (මුල්ලෙගොඩ ආර්ථික සංවර්ධන නිලධාරී)

බෙන්තොට ප්‍රාදේශීය ලේකම් කොට්ඨාශයේ මුල්ලෙගොඩ ග්‍රාම නිලධාරී වසමේ ගම්වැසියන්ගේ සහභාගිත්වයෙන් කෘෂි උපදේශන වැඩසටහනක් පසුගියදා පැවැත්වුනි.
 වසමේ ආර්ථික සංවර්ධන නිලධාරී ,කෘ.ප.නි.ස නිලධාරී ඇතුළු කෙෂත්‍ර නිලධාරීන් හා ගම්වැසියන්ගේ සහභාගිත්වයෙන් පැවති මෙම උපදේශන වැඩසටහනේ විශේෂ අවස්ථා කීපයක ඡායාරූප පහත දැක්වේ..

වරාහේන වසමේ ලක්ෂ 10 සංවර්ධන වැඩසටහන සාර්ථකව නිමවේ....

විස්තර හා ඡායාරූප - චතුරිකා ද අල්විස් -(වරාහේන ආර්ථික සංවර්ධන නිලධාරිණී)

බෙන්තොට ප්‍රාදේශීය ලේකම් කොට්ඨාශයේ වරාහේන ග්‍රාම සේවා වසමේ ලක්ෂ 10 සංවර්ධන වැඩසටහන-2015 යටතේ වසමේ මාර්ග දෙකක් ක්‍රොන්ක්‍රීට් හා තාර දමා  සංවර්ධනය කිරීම පසුගියදා අවසන් කෙරුනි.
 සංවර්ධන වැඩසටහන 
        1) අලවතුගොඩ පන්සල පාර තාර දමා සංවර්ධනය  - දිග මීටර් 160  , පළල අඩි 10
           ආරම්භය - අමරසිරි පොන්නම්පෙරුම මහතාගේ නිවස
          අවසානය - චිත්‍රා ආයුර්වේද හෝටලය

හැදුනුම්පත් අංකය අනුව 2015 ඡන්ද හිම් නාම ලේඛන විස්තර අන්තර්ජාලයෙන් .....

2012 වසරේදි මැතිවරණ මහ කොමසාරිස් කාර්යාලය විසින් දිවයිනේ සියළු ඡන්ද හිමියන්ගේ නාම ලේඛන හා විස්තර අන්තර්ජාල ගත කලත්  පසුව නැවත එම විස්තර අන්තර්ජාලයෙන් ඉවත් කර තිබුනි.

     පෙර පැවති තත්ත්වයේ නොවුනත් ජාතික හැදුනුම් පත් අංකය ඇතුලත් කල විට අදාල පුද්ගලයාගේ විස්තර 2015 ඡන්ද නාම ලේඛනයට ඇතුලත් වී ඇත්දැයි පරීක්ෂා කර බැලීමට මේ වන විට අන්තර්ජාලයෙන් අවස්ථාව සැලසී ඇත.