ළමුන්ගේ හා දෙමාපියන්ගේ ධනවාදී ආකල්ප සංවර්ධන උපදේශණ වැඩසටහන -දෙද්දුව ප්‍රාථමික විදුහල

ළමුන්ගේ හා දෙමාපියන්ගේ ධනවාදී ආකල්ප සංවර්ධනය කිරීමේ අරමුනින් පැවැත්වූ උපදේශණ වැඩසටහන - දෙද්දුව ප්‍රාථමික විදුහල

දියපරදූව ප්‍රජා ශාලාව අවට පිරිසිදු කිරීමේ ශ්‍රමදානය - හිපන්වත්ත

හිපන්වත්ත වසමේ ආර්ථික සංවර්ධන නිලධාරී ධනුෂ්ක සම්පත් මහතා ප්‍රමුඛ කෙෂත්‍ර නිලධාරීන් හා ප්‍රජා නායකයින් ගම්වැසියන් සහභාගිත්වයෙන් පැවැත්වූ දියපරදූව ප්‍රජා ශාලාව අවට පිරිසිදු කිරීමේ ශ්‍රමදානය-2018/03/26
         

5 ශිෂ්‍යත්ව දරුවන්ට පැවැත්වූ මනෝ හා ශාරීරික විද්‍යා උපදේශන වැඩසටහන - ගා/කොබේදූව ප්‍රාථමික විදුහල (2018/07/20)

තරඟකාරී විභාග රටාව ‍හේතුවෙන් 5 වසර ශිෂ්‍යත්ව විභාගයට පෙනීසිටින දරුවන් මුහුණදෙන මානසික හා ශාරීරික ආතති පිඩා දුරු කරමින් දරුවන් සාර්ථකව විභාගයට යොමු කරවීමේ අරමුණින් මෙම මනෝ විද්‍යා උපදේශන වැඩසටහන 2018/07/20 දින කොබේදුව ප්‍රාථමික විදුහලේදී පැවැත්වුනි.

මනෝ විද්‍යා උපදේශණ වැඩසටහන - 2018/07/13 අංක 14 ඒ මිරිස්වත්ත වසම

 අංක 14 ඒ මිරිස්වත්ත වසමේ ගා/කොබේදූව ප්‍රාථමික විද්‍යාලයේ දෙමාපියන් වෙනුවෙන් මනෝ විද්‍යා උපදේශණ වැඩසටහනක් 2018/07/13 දින පැවැත්වුනි.14 ඒ මිරිස්වත්ත වසමේ ආර්ථික සංවර්ධන නිලධාරී ආර්.ඩී.දිමුතු කල්පනී මහත්මියගේ අදහසින් මනෝ විද්‍යා උපදේශක වෙනුර සනත් කුමාර මහතා ඇතුළු උපදේශණ මහත්ම මහත්මියන්ගේ දායකත්වයෙන් පැවැත්වුනු මෙම වැඩසටහනෙන්..

බෙන්තොට ආර්ථික සංවර්ධන නිලධාරීන්ගේ ශ්‍රම දායකත්වයෙන් තවත් අඩු ආදායම්ලාභී පවුලකට හිසට සෙවනක්..

බෙන්තොට කොට්ඨාශයේ ඉහල මාලවල වසමේ අඩු ආදායම්ලාභී පවුලක් වන ටී.එච්. සෝමවතී මහත්මියගේ ඉදිකෙරෙමින් පවතින නිවසේ වහල ගැසීම සඳහා ශ්‍රම දායකත්වය සපයා එම නිවස සෑදිමේ කටයුත්ත කඩිනම් කිරීම ඉහල මාලවල වසමේ ආර්.සං.නිලධාරී චූලක කුමාර මහතා ප්‍රමුඛ ආර්ථික සංවර්ධන නිලධාරීන් විසින් 2017/08/29 දින සාර්ථකව සිදු කෙරුනි.

කහගල්ල වසමේ දිළිඳු පවුල් වෙනුවෙන් වියලි ආහාර,ඇඳුම්,පාසැල් උපකරණ බෙදා දිමක්....

හුංගන්තොට - වඩුමුල්ල වසමේ ආර්.සංවර්ධන නිලධාරී මංජුලා පීරිස් මහත්මියගේ මෙහෙයවිම මත කහගල්ල වසමේ ආර්.සං.නිලධාරී එච්.එම්.ආර්. උදයමාලා මහත්මිය විසින් තෝරාගත් දරුවන් 5 දෙනෙකු සිටින දිළිඳු පවුල් කිහිපයක් උදෙසා වියලි ආහාර,ඇඳුම්,පාසැල් උපකරණ බෙදා දිමක් 2017/10/10 දින හුංගන්තොට වඩුමුල්ල ආර්.සං.නිලධාරී කාර්යාලයේදී පැවැත්වුනි.
    හුංගන්තොට වසන කුලතුංග මහතා සහ වයලට් චන්ද්‍රාණි යුවලගේ පුත් ග්‍රීසියේ ඇතන්ස් පදිංචි කිත්සිරි චමින්ද මහතා මේ සඳහා සම්පූර්ණ අනුග්‍රහය දැක්වූ අතර වසමේ සමාද්ධි සංවර්ධන නිලධාරී හා කා.ප.නි.ස නිලධාරී මහත්වරුද මෙම අවස්ථාවට සහභාගී විය.

ලෝක ළමා දින වැඩසටහන - 5 එ් කහගල්ල

 ලෝක ළමා දිනය වෙනුවෙන් කහගල්ල රන්දාගොඩ ශ්‍රී දේවප්‍රියාරාමයේදී වැඩසටහන් පෙලක් උත්සවාකාරයෙන් පැවැත්වුනි.එම වැඩසටහන් අතර
       * ළමා චිත්‍ර හා නිර්මාණ ප්‍රදර්ශණය හා ත්‍යාග ප්‍රදානය
      * ළමා හිමිකම් ප්‍රවර්ධන නිලධාරිනී සුජීවා මහත්මිය ඇතුළු දේශකයන් සහභාගී වූ දේශණ වැඩසටහන
      * සිඟිති දරුවන්ගේ විවිධ ප්‍රසංගයක්
     
මෙම අවස්ථා පහතින් (විස්තර හා ඡායාරූප කහගල්ල වසමේ ආර්ථික සං. නිලධාරිණි එච්.එම්.ආර්. උදයමාලා)

බෝධිමළුව වසමේ වෛද්‍ය සායනය....

බෙන්තොට ප්‍රාදේශීය ලේකම් කොට්ඨාශයේ අංක 3 ඒ බෝධමළුව කොට්ඨාශයේ ආර්ථීක සංවර්ධන නිලධාරී සබීතා ද සිල්වා මහත්මිය සංවිධානය කරන ලද වෛද්‍ය සායනය 2017/06/29 දින සාර්ථකව පැවැත්වූ අතර ,

බෙන්තොට සංවර්ධන නිලධාරීන් පිරිසකගේ ශ්‍රම දායකත්වයෙන් අඩු ආදායම් ලාභී නිවසකට විදුලිය..

පිලිකා රෝගයෙන් පීඩා විදින රෝගියකු සිටින අඩු ආදායම්ලාභී පවුලක් වෙසෙන නිවසකට විදුලිය ලබා ගැනීමට එම නිවස wirering(රැහැන් සැකසිම) බෙන්තොට ප්‍රා.ලේ. කාර්යාලයට අනුයුක්ත සංවර්ධන නිලධාරී අශෝක නයනජිත් මහතා ඇතුළු ආර්ථික සංවර්ධන නිලධාරීන් පිරිසකගේ ශ්‍රම දායකත්වයෙන් සිදුවිය. කෙනෙකුට මෙය සුළු කටයුත්තක් ලෙස පෙනුනත් එම අසරන පවුලට මෙය මහඟු උපකාරයක් විය.මෙයට දායකත්වය දුන් සංවර්ධන නිලධාරී පිරිසට හදපිරි ආශීර්වාදය පතමු.

බෙන්තොට ආර්ථික සංවර්ධන නිලධාරීන්ගේ ශ්‍රම දායකත්වයෙන් අඩු ආදායම්ලාභී පවුලකට හිසට සෙවනක්..

බෙන්තොට කොට්ඨාශයේ මහ ඌරගහ වසමේ අඩු ආදායම්ලාභී පවුලක් වන එච්.ජී. මහේෂිකා මධුවන්ති මහත්මියගේ ඉදිකෙරෙමින් පවතින නිවසේ වහල ගැසීම සඳහා ශ්‍රම දායකත්වය සපයා එම නිවස සෑදිමේ කටයුත්ත කඩිනම් කිරීම බෙන්තොට ආර්ථික සංවර්ධන නිලධාරීන් විසින් 2016/09/08 දින සාර්ථකව සිදු කෙරුනි.

බෙන්තොට ආර්ථික සංවර්ධන නිලධාරීන්ගේ ධන පරිත්‍යාගයෙන් දිළිඳු පවුලකට වැසිකිළියක්....

 බෙන්තොට ප්‍රාදේශීය ලේකම් කාර්යාලයට අනුයුක්ත ආර්ථික සංවර්ධන නිලධාරීන්ගේ පෞද්ගලික ධන පරිත්‍යාගයෙන් දෙල්කබලගොඩ ග්‍රාම නිලධාරී කොට්ඨාශයේ වැසිකිළි පහසුකම් නොමැති දිළිඳු පවුලක් වෙනුවෙන් වැසිකිළියක් සාදා දීම පසුගියදා සාර්ථකව නිම කෙරුණි.සහකාර සැලසුම් අධ්‍යක්ෂිකා ඩබ්.කේ.ඒ.එස්. දමයන්ති මහත්මියගේ මඟපෙන්විම යටතේ සිදුකෙරුණු මෙම කටයුත්ත දෙල්කබලගොඩ වසමේ ආර්ථික සංවර්ධන නිලධාරී එච්.දීප්ති මහත්මියගේ අධීක්ෂණය යටතේ සිදුවුනි.

හිපන්වත්ත වසමේ දිළිදු පවුල් දරුවන්ට පාසැල් පොත් හා සපත්තු බෙදා දීම - 2016 01 03

හිපන්වත්ත වසමේ ආර්ථික සංවර්ධන නිලධාරී ධනුෂ්ක සම්පත් මහතාගේ සංකල්පයකට අනුව එම වසමේ දිළිඳු පවුල් වල පාසැල් දරුවන් වෙනුවෙන් පාසැල් පොත් සහ සපත්තු කුට්ටම් නොමිලේ බෙදා දීමක් සිදුවිය.සපත්තු කුට්ටම් 16 සමඟ පිටු 120 පොත් 100 ක් දරුවන් වෙත ලබා දුන් අතර මෙම ත්‍යාගයන්  පාසැල් දරැවන්ට ලබා දීමට පහත සඳහන් ආයතන හා පුද්ගලයන් දායක විය.

අපචාර වලින් සිසු දරුවන් ආරක්ෂා කරගැනීමට දෙමාපියන් දැනුවත් කිරීමේ වැඩසටහනක් දෙද්දුව මහ විදුහලේදී..2015/10/29

විස්තර හා ඡායාරූප - තරංගා ශ්‍යාමලී ද සිල්වා (දෙද්දුව ආර්ථික සංවර්ධන නිලධාරිණී)

අපචාර හා වෙනත් සමාජ විරෝධී කටයුතු වලින් දරුවන් ආරක්ෂා කර ගැනිමත් දරුවන් එවැන් අපචාර වලට යොමු වීම වලක්වා ගැනීමත් පිළිබඳව දෙමාපියන් දැනුවත් කිරීමේ වැඩසටහනක් 2015 /10/ 29 දින දෙද්දුව මහ විදුහලේදි පැවැත්වුනි.එහි විශේෂ අවස්ථා කීපයක් පහතින් දැක්වේ..

දෙල්කබලගොඩ වසමේ ගම්වැසියන් දැනුවත් කිරීමේ වැඩසටහන...

  විස්තර හා ඡායාරූප - එච්.පී. දීප්ති (දෙල්කබලගොඩ ආර්ථික සංවර්ධන නිලධාරිණී)

 අපරාධ හා අපචාර වලින් කුඩා දරුවන් ආරක්ෂා කරගැනීමත් අපරාධ වලක්වා ගැනිමත් පිළිබඳව ගම්වැසියන් දැනුවත් කිරීමේ වැඩසටහනක් පසුගියදා දෙල්කබලගොඩ වසමේදී පැවැත්වුනි.
                                    බෙන්තොට ප්‍රාදේශීය ලේකම් කාර්යාලයේ ළමා හිමිකම් නිලධාරිණී සුජීවා ප්‍රියදර්ශනී මහත්මිය,ඌරගස්මන්හන්දිය පොලිසියේ අපරාධ පරීක්ෂණ අංශයේ නිලධාරීන් ඇතුළු නිලධාරීන් කිහිප දෙනෙකු විසින් ගම්වැසියන් දැනුවත් කල අතර මෙහි විශේෂ අවස්ථා කිහිපයක් පහතින් දැක්වේ.....

මුල්ලෙගොඩ වසමේ කෘෂි උපදේශන වැඩසටහන.....

විස්තර හා ඡායාරූප - අසංක දිල්ශාන් (මුල්ලෙගොඩ ආර්ථික සංවර්ධන නිලධාරී)

බෙන්තොට ප්‍රාදේශීය ලේකම් කොට්ඨාශයේ මුල්ලෙගොඩ ග්‍රාම නිලධාරී වසමේ ගම්වැසියන්ගේ සහභාගිත්වයෙන් කෘෂි උපදේශන වැඩසටහනක් පසුගියදා පැවැත්වුනි.
 වසමේ ආර්ථික සංවර්ධන නිලධාරී ,කෘ.ප.නි.ස නිලධාරී ඇතුළු කෙෂත්‍ර නිලධාරීන් හා ගම්වැසියන්ගේ සහභාගිත්වයෙන් පැවති මෙම උපදේශන වැඩසටහනේ විශේෂ අවස්ථා කීපයක ඡායාරූප පහත දැක්වේ..

හිපන්වත්ත දියපරදුව ප්‍රජා ශාලාව හා අවට පිරිසිදු කිරීමේ ශ්‍රමදානය සාර්ථකව නිමවේ....

 හිපන්වත්ත දියපරදුව ප්‍රජා ශාලාව හා අවට පිරිසිදු කිරීමේ ශ්‍රමදානයක් ඊයේ(2015/11/10) දිනයේදී පැවැත්වුනි.හිපන්වත්ත සිවිල් ආරක්ෂක කමිටුවේ යෝජනාවක් අනුව ගම්වාසීන් විශාල පිරිසකගේ සහභාගිත්වයෙන් පැවැත්වුනු මෙම ශ්‍රමදානය ඉතා සාර්ථකව සිදුවූ අතර හිපන්වත්ත සිවිල් ආරක්ෂක කමිටු සභාපති සංවර්ධන නිලධාරී සංජීව ප්‍රියදර්ශන මහතා ,ආර්ථික සංවර්ධන නිලධාරී ධනුෂ්ක සම්පත් , ග්‍රාම නිලධාරී ටී.රුවන් සම්පත් ,කෘ.ප.නි.ස නිලධාරී අබේරත්න සමෘද්ධි නිලධාරී ඇතුළු වසමේ සියළුම කෙෂත්‍ර නිලධාරීන් මෙන්ම වසම භාර පොළිස් නිළධාරී මහත්වරුද සිව්ල් ආරක්ෂක කමිටු නිලධාරීන් හා ගම්වාසීන්ද මෙම අවස්ථාවට සහභාගී විය....(ඡායාරූප පහතින්)