ග්‍රාම ශක්ති ජාතික වැඩසටහන - 40 ඒ කොටුවබැන්දහේන

ග්‍රාම ශක්ති වැඩසටහන ප්‍රජා දායකත්වය ඇතිව නිල වශයෙන් ආරම්භ කරමින් කොටුවබැන්දහේන මාර්ගය ප්‍රතිසංස්කරණය කිරීමේ ව්‍යාපෘතිය ආරම්භකල අවස්ථාව

ජගත් පරිසර දින සැමරුම කහවෙගම්මැද්ද ග්‍රා.නි. වසම

 ජගත් පරිසර දින සැමරුමට සමගාමීව රුක්රෝපන  වැඩසටහනක් හා ගෙවතු වගාවට අදාගව පාංශු සංරක්ෂණය පිළිබඳව ගෝනගල මූලස්ථාන කෘෂි උපදේශීක තුමිය විසින් සිදුකල දැනුවත් කිරීමේ වැඩසටහන...

අතුරුවැල්ල පාලමට මුල්ගල තැබේ...

  ඉතා දිගු කාලයක් පුරා  කඩා වැටීමට ඉතා ආසන්නව, අතුරුවැල්ල මැදගොඩ විහාරයට පිවිසෙන මාර්ගයේ  ඇල හරහා තිබූ අබලන් පාලම ඉවත් කර නව පාලමක් ඉදි කිරීමේ කටයුත්ත අද(2017/10/10) දිනයේ මුල් ගල තැබීමෙන් ආරම්භ විය.

බෙන්තොට කොට්ඨාශයේ නිල මෙහෙවර සාර්ථකව නිමවේ...

නිල මෙහෙවර ජනපති ජනතා සේවයේ බෙන්තොට ප්‍රාදේශීය ලේකම් කොට්ඨාස වැඩසටහන  2016.11.17 දින ගෝනගල පිරිවෙන් පරිශ්‍රයේදී හා තවත් කලාප 03 කදී ඉතා සාර්ථකව පැවැත්වීමට හැකිවිය.

ලෝක තෙත් බිම් දිනය සැමරීමේ ගාලු දිස්ත්‍රික් වැඩසටහන බෙන්තොටදී ....

 ලෝක තෙත් බිම් දිනය සැමරීම වෙනුවෙන් ගාලු දිස්ත්‍රික් වැඩසටහන 2016 02 02 දින බෙන්තොට පහලගම් හය ගොවිජන සේවා මධ්‍යස්ථානයේදී උත්සව සිරියෙන් පැවැත්වුනි.බෙන්තොට මානවතු කලපුව අසල රුක් රෝපණ වැඩසටහනක් සහ පහලගම්හය ගොවිජන මධ්‍යස්ථානයේ දැනුවත් කිරීමේ වැඩසටහනක් ලෙස පවත්වන ලද මෙම වැඩසටහන සඳහා ගාල්ල දිස්ත්‍රික් ලේකම් මාලනී ලොකුපෝතාගම මැතිණිය සහභාගී වූ අතර ගාල්ල දිස්ත්‍රික් අධ්‍යක්ෂකතුමිය (සැලසුම්),බෙන්තොට ප්‍රාදේශීය ලේකම්තුමා, සහකාර දිස්ත්‍රික් ලේකම්තුමා ඇතුළු සම්භාවනීය අමුත්තන් රැසක් සහ රජ්‍ය නිලධාරීන් විශාල පිරිසක් ද  සහභාගී විය. තවද විශේෂ ආරාධනාව මත ඇලකාක විදුහලේ පාසල් ළමුන් රැසක් ද මෙම දැනුවත් කිරීමේ වැඩසටහන සඳහා සහභාගී විය.

ක්‍රීඩා හා ශරීිර සුවතා ප්‍රවර්ධන ජාතික හා විශේෂ දිනය බෙන්තොට කොට්ඨාශය තුල ක්‍රියාවට නැංවේ.....

අතිගරු ජනාධිපතිතුමාගේ උපදෙස් පරිදි ක්‍රීඩා අමාත්‍යාංශය මඟින් ඉදිරිචත් කරන ලද යෝජනාවකට අනුව බෙන්තොට කොට්ඨාශයේ ක්‍රීඩා හා ශරිර සුවතා ප්‍රවර්ධන පාගමන හා ශරීර සුවතා ව්‍යායාම වැඩසටහන 2015/01/29 දින උදේ වරුව තුලදී පැවැත්වුනි.
    ගරු ජනමාධ්‍ය හා පාර්ලිමේන්තු ප්‍රතිසංස්කරණ අමාත්‍ය ගයන්ත කරුණාතිලක මැතිතුමා ඇතුළු ප්‍රදේශයේ දේශපාලන නියෝජිතයන් ,බෙන්තොට ප්‍රාදේශීය ලේකම් වසන්ත විතානගේ මහතා ඇතුළු ප්‍රාදේශීය ලේකම් කාර්යාල නිලධාරීන් ,ප්‍රාදේශීය සභාවේ නිලධාරීන් ,බෙන්තොට පොලිසීයේ නිලධාරීන් බෙන්තොට ක්‍රීඩා සමාජ නිලධාරීන් ඇතුළු සාමාජිකයන් ප්‍රදේශයේ ප්‍රජා හා සුභසාධන සමිති සමාගම් නිලධාරීන් පාසැල් සිසුන් කලාකරුවන් මාධ්‍යවේදීන් ඇතුළු ප්‍රදේශයේ විශාල ජනකායක් මෙම විශේෂ අවස්ථාවට සහභාගී විය.
   මෙම වැඩසටහනේ විශේෂ අවස්ථා ඡායාරූප හා වීඩියෝ පහතින්...

රිද්ම 8 ප්‍රසංගයේ ශිල්පින්ට හරසර ...

    

රිද්ම 8 - 2015 ප්‍රසංගය සඳහා රංගනයෙන් හා ගායනයෙන් දායක වූ නිලධාරීන් හට ස්තූතිය පල කිරීමේ උත්සවයක් 2016 ජනවාරි 04 දින බෙන්තොට බීච් හෝටලයේ දී පවත් වන ලදී. ප්‍රාදේශීය ලේකම් වසන්ත විතානගේ මහතාගේ ප්‍රධානත්වයෙන් පැවති මෙම උත්සවය සඳහා විශේෂ ආරාධිත අමුත්තකු ලෙස නියාගම ප්‍රාදේශීය ලේකම්තුමා සහභාගී විය.

2016 නව වසරේ අපේ ඇරඹුම ....

  බෙන්තොට ප්‍රාදේශීය ලේකම් කාර්යාලයේ නව 2016 වසරේ ආරම්භක දිනය වූ අද දින (2016 ජනවාරි 01) කාර්යාලයේ සියළුම නිලධාරීන් වාගේ සහභාගී වූ විචිත්‍ර දිනයක් විය.උදෑසන 8.30 ට පමණ ප්‍රාදේශීය ලේකම් වසන්ත විතානගේ මහතාගේ මූලිකත්වයෙන් කාර්යාලය ඉදිරිපිට ජාතික ධජය ඔසවා ජාතික ගීය ගායනා කොට නිලධාරීන් සියළු දෙනා නව වසරේ රාජ්‍ය සේවා දිව්රුම දීම සිදු කලහ.අනතුරුව මහා සංඝරත්නය වැඩමවා ආගමික කටයුතු සිදු කිරීමෙන් පසු සියළුම දෙනා නව වසරේ කෑම මේසය ඉදුල් කිරීම සිදු කර සතුටු සිතින් නව වසරේ කාර්යාලයේ තම රාජකාරි ආරම්භ කලහ.

ඉදුරුව ධීවරයන්ට ජීවිතාරක්ෂණ උපකරණ බෙදා දිමක්....

එක්දින හා බහුදින ධීවර යාත්‍රාවල සේවය කරන ඉදුරුව ධිවර ප්‍රජාවට ජීවිතාරක්ෂක උපකරණ බෙදා දීමක් 2015/ 12/ 14 දින බෙන්තොට ප්‍රාදේශීය ලේකම් කාර්යාලයේදී පැවැත්වුනි.දකුණු පළාත් සභා මන්ත්‍රී චන්න සාලිය මෙන්ඩිස් මහතාගේ ප්‍රතිපාදන මගින් මෙම ධිවර උපකරණ බෙදා දුන් අතර එහි විශේෂ අවස්ථා සේයා රූප කිහිපයක් පහත දැක්වේ..